ZDH Prins Jort d’n Ieërste

Op zaoterdig 1 Fibberwarie is, in ’n bomvolle Hamar in Belvend, Jort Hoezen oetgerope toet ZDH Prins Jort I en dao mei de 67e Prins van de Belhamels.

ZDH Prins Jort I woeënt same mèt Dian, ‘nne echte Beeselse draak. ZDH Prins Jort I is 29 jaor aad en in het dagelikse laeve werkzaam as Inkouper beej Hauzer Techno Coating in Venlo. Same mèt ziene vriendegroep “VVG Baeter Kleppe” loupe zeej idder jaor mei in d’n Belvendse optocht. Ouch mak hae deil oet van vriendegroep “Neet Te Moeilijk”, een hechte groep jonge die al van kleins aaf aan same zien, mèt as hoeëgtepunt het jaorlikse vriendewiekend.

Naeve zien wèrk runt ózze nieje hoeëgheid same mèt kammeraod Remy ‘n eige bedriefke, “Sfeerplank”, vur al uch gepersonaliseerde borrelplenkskes. In de sjpaarzame tied dae euver blief is heej aktief as sjpeuler van ‘t 3e elftal van Belfeldia, vrijwiller beej “Evenemente veur Belvend” en de BBQ aansjlingere same mèt Dian en zien kammeräöj ónger ‘t genot van ‘n lekker pilske of wienke.

ZDH Prins Jort I haajt op zóndig 23 Fibberwarie resepsie in Gemeinsjapscentrum d’n Hamar, van 17.30 toet 18.30 oor

Hae regeert de kómmende vastelaovesdaag ónger ‘t motto:

Gewuuen ömdet ’t kén!

Home » ZDH Prins Jort d’n Ieërste