Op 21 januari is in ‘t sjoeëne en gezellige gemeinsjapshoes De Hamar, Cindy Beijers en Luuk Jacobs as ‘t 38ste boerebroedspaar oetgerope
Same mèt Marjolein Smeets – Kuntzelaers en Frank Smeets as eur getuge gaon zeej vurop in ózze boerebroelof, same mèt alle angere Belhamels, Belhamelinnekes , Boere en Boerinne ónger ‘t motto D’r op oet mèt ein sjtraolende sjnoet.
Ós broedspaar wet neet baeter den det zeej elk jaor vastelaovend viere. ‘t Kèn den ouch neet angers den det z’n 10 jaor geleje tiedes de vastelaovend beej ‘t scouting bal In Belvend de vónk is euvergesjlage. Same mèt eur kinger Sjuuke en Nienke woeëne zeej oppe Soerbaekwaeg wao al vuuel hoeëhede van verleje jaore woeëne.
Same mèt eur getuge Marjolein Smeets-Kuntzelaers en Frank Smeets, zulle zeej dit jaor op ein angere meneer de optoch volbringe en neet zoeë as gebroekelik mèt eure vrindegroep JWZ ( Je Weet Zelf)
In ‘t dagelikse laeve is ós bruudje orthopedagoge en is werkzaam op versjillende basissjoeële en kingerdaagverblieve in de gemeinte Roerdale. Den zörg zeej netuurlik ouch vur eur eige maedjes Sjuulke en Nienke. Cindy is jaore aktief gewaes beej de Jeugcarnaval en haet vuuel rolle vervuld, as lètste as besjteurslid van de JCB. Momenteel zet zeej zich nag sjteeds gaer in as vreejwilligster, want momenteel is zeej nag besjteurslid van Scouting Belvend.
Ózze broedegom is eine man dae gaer vur de minse zörg. Ten ieërste netuurlik vur zien eige gezin, maar daornaeve zörg hae as Sjpoedeisende hulp verpleegkundige vur de minse die dao mèt sjpoed binne kómme. Heejveur deej hae det as millitair verpleegkundige beej de Keuninklikke Marine. In ziene vreje tied is hae al 14 jaor lid van de vreejwillige brankwaer in Belvend. Vanaaf 1 maart zal Luuk as Crisisadviseur beej de Veligheidsregio Limburg-Noord gaon wèrke.
Op vastelaoves zaoterdig 10 fibberwarie waere Cindy en Luuk öm 17.11 in de ónech verbónge op ‘t Groeët Belvends Binnebal is ós gemeinsjapshoes De Hamar.
Op vastelaoves dinsdig 13 fibberwarie heb geej de meugelikheid ós broedspaar en eur getuge Marjoleine en Frank te kómmefillicitere vanaaf 17 oor ouch in gemeinsjapshoes De Hamar.
Dees resepsie zal gehaje waere same mèt ’t Jeugboerebroedspaar Sem en Pleun.
