Op zaoterdig 17 Jannewarie is, in ’nne bomvolle Hamar in Belvend, Luuk Houx oetgerope toet ZDH Prins Luuk I en dao mei de 68e Prins van de Belhamels.
ZDH Prins Luuk I woeënt same mèt Pam, same hebbe zeej ein prachtige dochter Lune van bienao 1,5 jaor. Eur hundje Bowi mak ‘t gezin kompleet! ZDH Prins Luuk I is 34 jaor en in het dageliks laeve werkzaam as Projectleider beej Hendriks Bouwbedrijf in Oss. Same mèt vriendegroep “VG De Naate Laevers” loupe zeej mèt ‘t ganse gezin mei in d’n Belvendse optocht. Ouch mak hae deil oet van vriendengroep “G-Boss”, ‘nne hechte groep jonge wao van de meiste al van kleins aaf aan same zien, mèt as hoeëgtepunt ‘t jaorlikse mannewiekend.
In ziene vreje tied telt ózze nieje hoeëgheid de cente as penningmeister beej stichting “Evenemente veur Belvend”. Ouch is hae betrókke beej de organisatie rónk öm Keuningsdaag. Luuk en Pam zien meisjtal in het dörp te vinge as d’r ‘n fieësje is. Dus det geit hieëlemaol good kómme in dit bezóngere jaor wao in Belvend ‘t 700 jaorig besjtaon oetgebreid geit viere!
ZDH Prins Luuk I haajt op zóndig 8 Fibberwarie resepsie in Gemeinsjapscentrum d’n Hamar, van 17.00 toet 19.00 oor
Hae regeert de kómmende vastelaovesdaag ónger ‘t motto:
Weej zette Belvend in veur en vlam!
