Tiedes ‘t jaorlikse Prinsenmatinee is in ’n bomvolle Hamar in Belvend, Jon Pieper oetgerope toet ZDH Prins Jon I en daomei de 65 e Prins van de Belhamels.
ZDH Prins Jon I woeënt same mèt Cindy en zeej hebbe nag maar net ein prachtige dochter, Eef.
Prins Jon I is precies 3x 11 jaor aad en in ‘t dagelikse laeve is hae euvername adiseur beej Adagium.
De belangriekste hobby van ózze nieje hoeëgheid is meziek make. As sjlaagwèrker van Joekskapel Och d’n Doedel, Neet Nao Hoës Te Kriëge en Harmonie Kunst na Arbeid.
Van dees letste vereiniging is hae ouch nag èns veurzitter. In de sjpaarzame vreje tied dae hae haet, houwt hae gaer ein belke beej te tennisclub. ‘t Is ‘nne echte laevesgenieter!
ZDH Prins Jon I haajt op zóndig 12 fibberwarie resepsie in Gemeinsjapscentrum
D’n Hamar, van 17.00 toet 19.00 oor
Hae regeert de kómmende vastelaovesdaag ónger ‘t motto:
Vastelaovend viere, det verlieëre weej neet!
