't Boerebroelefgezelsjap van carnavalsvereiniging De Belhamels besjteit oet zoeëget 85 persoeëne.
Idder jaor wuuert oet de Belvendse gemeinsjap 'n Boerebroedspaar gekaoze. Tiedes 't Sjpruutjesmatinee wuuert 't nieje broedspaar en eur getuge veurgesjteld aan de Belvendse vastelaovesvierders.
Sinds 'n aantal jaor wuuert ós boerebroedspaar op vastelaoveszaoterdig, tiedens ’t Groeët-Belvends-Binne-Bal, in de ónech verbónge. Op vastelaovesdinsdig is de receptie öm 't broedspaar en eur getuge te kómme fillicitere.
Idder jaor kriege alle leje oet 't gezelsjap 'n nieje rol. Dees rol vertolke zeej tiedes alle activiteiten wao 't boerebroelefgezelsjap beej betrokke is. Ouch kent 't gezelsjap ein paar vaste rolle zoeë as de Hoesmeister, Börgemeister, Ceremonimeister en de Veldwachters.
Blaoskepel De Hölter Brök haet ós 25 jaor lang ongersjeund als Boerekapel, vanaaf 't seizoen 2011/’12 hebbe weej gen vaste kepel mieër en laote weej ós door diverse kepelle meziekaal óngersjteune.
't Jaorlikse programma van de boerebroelef löp van 't oetrope van 't boerebroedspaar wies aswoensdig. De Boerebroelefsleje gaon gekleid in kleier die passe beej eur rol.