Vastelaovend, wie nów en wie vruger, gaas op dae zuuger!
Ónger det mótto sjtart zaoterdig in Belvend ’t nieje vastelaovesseizoen.
Ein mótto det de vastelaovend van vruger en nów verbingk. En wie tof is ’t den, öm nów de meziek van vruger nag te kènne luustere.
Belvend haet ein riek verleje aan vastelaovesmeziek. Wies vur kort waas det allein te beluustere vur de minse die nag CD’s van vruger haje. Aevel vanaaf zaoterdig kènt geej de aje Belvendse vastelaovesmeziek digitaal truukluustere op ózze website.
Wilt geej de meziek opsjtarte, klik den op dees link en geniet van Belvendse klassiekers!