7de Jeugboerebroedspaar van de Boerebroelef in Belvend.
Guus Thijssen en Nynke Rypkema, 9de Jeugbroedspaar van Boerebroelef C.V. De Belhamels.
Guus,
zoon van Marcel, van Sjaak van de politiehung, van Trui en Baer Thijssen van de kromme hein oet Belvend en van Mariet Janssen van Baer en Truike Janssen-Wassen van de Keulseweg in Óffebek.
En van
Janny van Martien Ubbink, van Willem en Marie Ubbink-Winterink van de Tutenburg uit Giesbeek, Gelderland en van Mariet van Rika en Sjraar Huijs van d’n Illik op Steyl.
Nynke,
dochter van Toën, van Toën van de verwermingskaetels veur de gerdeneers oet Venlo van Anne en Jantje oet Friesland, en Jeanne, juffrouw van Maria Regina aan de euverkank van de maas van Leentje en Willem oet de Kroékesjtad.
En van:
Joyce, van Jan van de twieëling van de Brooksjtraot, van dae lange van Spee, van de pannefabriek in Belvend en van Lieske van oppe Ruiver, en van Ans van de Bergsjtraot, van Erik van de iezergeterie en Annie van de paraplufabriek.
Guus en Nynke loupe dit Vastelaovesseizoen vurop in de jeugboerebroelef as ’t negende jeugboerebroedspaar van de Belhamels.
Guus is 12 jaor en woeënt same mèt zien pap, mam en breurke op de Ringovensjtraot. Guus zit in de Davinci brugklas op Den Hulster. In ziene vreje tied sjpeult hae badminton beej BC Good Luck en trompet beej de hermonie. As hae neet op de trompet sjpeult mak hae waal meziek op zien keybaord, fluitend, neuriënd of trommelend mèt zien vingers
Nynke is 1×11 jaor en woeënt same mèt zien pap, mam en zuske op de Wierd.
Nynke zit in groep 8 van basissjoeël Kom.Mijn. Net as de broedegom zit Nynke beej de hermonie wao ’t dwasfluit sjpleult. Verder is het op zaoterdig altied te vinge op de manege en in de euverige vreje tied duit het knutslen, teikene en leuke dinge mèt zien vriendinne.
De vastelaovend is beej allebei mèt de paplaepel ingegaeve dus ’t geit gans good kómme mèt ós JBB 2023!
Vastelaovend viere, det verlieëre weej neet!