37 ste Broëdspaar van de Boerebroelef in Belvend.
Broedspaar Boerebroelef
C.V. De Belhamels
Op zóndig 29 januari zien in ein gezellig en good gevuld gemeinsjapscentrum De Hamar , Jacky en Jort van den Bongard as ‘t nieje 37ste Boerebroedspaar oetgerope.
Same mèt eur getuge Noelle Klijnman en Jens van den Bongard gaon zeej de ker trèkke beej de Boerebroelef en mèt alle angere Belhamels, Belhamelinnekes, Boere en Boerinne gaon zeej d’r ein geweldig fieës van make, det sjteit vas…
Ós broedspaar is al mieër as 12,5 jaor ein paar. Same hebbe zeej twieë kinger,Sten en Lukie. Vastelaovend viere is zoeë wie sjpraekwaordelik gezag, mèt de paplaepel ingegaeve. Allebei hebbe zeej van kleins aaf aan vastelaovend gevierd mèt eur elders. Zoeë kós ‘t ouch neet angers det de vunkskes tusse eur tiedens de vastelaovend zien euvergesjprónge.
Same mèt eur getuge, Noëlle en Jens, hebbe weej gesjiedenis gesjrève. Vur ‘t ieërs det breurs, as broedegom en getuge, op de bühne sjtaon . Wie sjiek is det vur eur elders, die zelf de rol as broedspaar hebbe meuge vervulle.
In ’t dageliks laeve viert ós bruudje, zoeëas ‘t zelf zaet elke daag Vakantie. Zeej wèrk namelik op Camping de Heldense Bosse as receptioniste/administratief medewerkster, doezendpoet in de volksmónk gezag.
Den haet zeej ouch nag tied euver in ‘t drukke gezinslaeve öm op versjillende plekke zich in te zette as vreejwilliger beej vereiniginge.
Zoeë is zeej bv veurzitser van BVC Holyoke, zörg vur de hoeëgheid van Belfeldia en verlient hank en sjpan deenste dao wao nuuedig. Same mèt eure vriendegroep loupe zeej ouch al hieël wat jaor mei in ózze optocht.
Jort is ‘nne echte regelaer op ‘t wèrk. As projekbegeleider zörg hae vur de werkveurbereiding en begeleiding wies aan ‘t eind van bouwprojekte beej Wijnen Bouw in Hors. In ziene vreje tied is Jort vural thoes te vinge beej zien gezin, maar zeker ouch beej Belfeldia of beej de sjutterie. Heej haet al duchtig get kroet versjaote. Vanwaege blessureleed, is hae nów trainer van ‘t twieëde beej Belfeldia.
Jacky en Jort waere tiedes ‘t ‘Groeët Belvends Binnebal’ op vastelaoveszaoterdig öm 11 euver 5 in ‘t gemeinsjapshoes de Hamar in d’n onech verbónge beej de Boere-Trouwerie. Op vastelaovesdinsdig is d’r vanaaf 17.00 oor gelaegenheid öm ‘t Broedspaar en eur getuge te fillicitere tiedes eur Boere-resepsie in Gemeinsjapscentrum De Hamar.
Dees resepsie haje zeej same mèt ’t Jeugboerebroedspaar