Prins:
Alwir ‘n paar maond geleje waas dé aovend. Wie ‘t nag leech waas zoog ik öm al éns vurbeej loupe. Hieël kort ging d’r door mien gedachte: hae zal toch neet vur mich kómme?! Hae leep vas wal èns dökker vurbeej, maar dae aovend veulde det toch angers. Wie ‘t donker woort besjloot ich öm nao bed te gaon. Wies det de deurbel ging en hae toch beej mich veur de deur sjting. Nao ‘n kwarteer euver vanalles en nag get gepraot te hebbe kwaam toch ech de vraog: wils dich de nieje hoeëgheid van de Belhamels waere? Zónger twiefel heb ich oeteraard jao gezag! Geej meus èns weite…
Boere Broedspaar:
Wied van Belvend aaf, kwaam d’r ‘n gek geluud van miene I-phone aaf. ’t Geluud van ‘n facebookmelding. Wae kós det nów zien??
Beej de naam van de aafzender, sjting mien vastelaoveshert efkes in ‘vuur en vlam’.
Ein bericht: ‘ziet geej thoes vanaovend?’ Metein ein screenshot nao miene mins. Gebeurde dit ech?
Later dae daag kwaam dao achter in d’n haof, euver ‘t paedje emus aangeloupe. En jao huuer, beej de tas koffie kwaam DE vraog. Mesjien kènt geej waal raoje wat ós antwaord waas…..
