Op ‘ne dinsdaagaovend, örges in oktoeber ging de deurbel. Ein bekènd gezich aan de deur. “Meug ich efkes binne kómme…..?” D’r woorte get hendjes gesjöd en den ouch metein de vraog gesjtelt.
“Wilt geej de getuge waere van ‘t broedspaar van kómmend jaor?”
Wauw! kompleet verras, euverrómpeld aevel ouch verieërd!
Nao get gebabbel, teks en oetleg, zote weej wir allein óppe bank. Wat doon weej…? Oeteindelik hadde weej neet vuuel bedinktied nudig. En nao ein half oor hebbe weej ós antwoord geappt. JAO!
Inmiddels zien weej aan ‘t idee gewènd. Weej prakkezere ós rot en fantasere al euver de tied dae kómme geit. Nag gèn dudelikheid euver ’t broedspaar, maar weej gaon d’r wie den ouch vol van genete en kènne neet wachte toet ’t ech geit beginne.