Belhameljeug:
De vurpret kós al beginne wie weej same ein playlist mèt vastelaovesmeziek hebbe gemak. Same mèt ós moders de auto in, playlis aan en op zeuk nao ‘n good pak vur de fotoshoot.
Alle 3 rieje weej ‘n aantal waeke later mèt ‘n volle kofferbak nao de geheime lokasie, vanaovend waere de foto’s gemak!
Prins(es):
Alle kleier had ich thoes al efkes gepas, maar nów vur de allerieërste kieër waas ich gans compleet mèt mantel, sjtaek, óngersjei-ing en scepter in mien hank! Wat ein sjpeciaal moment öm te beseffe det ‘t toch ech ECH geit zien.
‘t Deurde efkes vur de fotograaf zoeëwied waas. Weej kwame óngertösse in de sjtumming mèt ózze playlist op de box en hadde same vuuel lol. De sjtumming zoot d’r metein good in! Door dees toffe aovend heb ich allein maar mieër zin in de tied dae kómme geit.
Adjudant:
Door de officiele kleier (zjwart pak, witte blouse en hase) besefs se sjteeds mieër: dit geit supertof waere. En toch waas ich nag zenuwachtig vur de fotoshoot. Sjtel det ich d’r sjtom oetzeen mèt dae sjtaek op en mantel öm.
Gelökkig veel det allemaol reuze mei en hebbe weej vuuel lol gehad. In ‘t begin was ‘t wat onwennig, ein half eurke later ginge weej hieëlemaol los. Ouch woorte d’r nag foto’s gemak mèt ‘t grei van ós hobby’s. Van wat ich op ‘t sjèrm beej de fotograaf heb gezeen zien de foto’s good gelök. De vastelaovend kump sjteeds doeënder beej!
Adjudant:
Ich zoot in de auto op waeg nao de geheime lokasie wao de officiële foto’s gemak zólle waere toen ich mam vroog of zeej de hase en sjoon ouch had meigenaome. Netuurlik had mam euveral aan gedach. Weej deje de kleier aan en woorte geholpe mèt de mantel en sjtaek. ‘t Waas efkes wenne veur de camera, maar mèt de vastelaovesmeziek op de achtergrónk kwame weej al sjnel los en hebbe weej vuuel lol gehad. ‘t Eind van ‘t jaor kump sjteeds doeënder beej en den kènne weej langzaam aaf gaon telle. Weej gaon d’r den flink taege aan. Den gaon weej mèt z’n dreje knallen knallen knallen!
Jeugboerebroedspaar
2de ontmoeting.
Bruudje
Op ‘nne aovend, begin november móste weej same de kleier gaon passe. Ich heb versjillende kleier gepas en toen zoot mien kledje d’r beej. Wie ich dit aan had woort mich de kap opgezat en ’n bloomsjtökske in de hand gegaeve.
Wie ouch de broedegom waas aangetrókke hebbe weej same ’n foto gemak. Weej zoge d’r allebeid sjiek oet, aevel waas’t toch nag ’n bietje ongemekkelik maar det kump hieëlemaol good. Weej hebbe dit gewuuen in 45 minute gedaon, Hoppa wie sjnel!!
Broedegom;
2e ontmoeting kleier passe
Waer ginge weej nao ’n geheim lokasie, wat ontzetten sjpannend! Nao ‘nne winkel vol mèt boerekleier. Gek öm heej te sjtaon, nów wuuert ’t waal hieël erg ech!
Wat ’n pakke en bloeze. Weej krege van alles in ós heng öm te passe, mieër opties oetgeprobeerd, mèt ’n ruutje of ’n kleurke?’t Waas bes lastig öm ’n keuze te make! Maar ‘t is gelök, weej hebbe ’t sjiekse pekske oetgekaoze en weej zien d’r hieëlemaol klaor veur! Wauw
Foto’s make, wat ein belaevenis is det!
Ieërs verzamele op ’n geheime plek örgens in Zjwame en den door nao de geheime lokasie. Weej móste nao ’n dörp wao weej nag noets van hadde gehuuerd. Sjpannend!
Eindelik mogte weej den de komplete outfit wir èns aan.
Maar wat waas ‘t kaad maar super leuk.
Tösse de kiepe en de aende ginge weej sjteeds van hook nao hook öm toch die eine gójje foto te make
Allebei ware weej ’n bietje zenuwachtig, aevel de kemmissie haet ós good aan ‘t lachte gekrege. Oeteindelik (toch bes sjnel) hadde weej den genóg foto’s in allerlei poses. Weej zien ouch nag mèt ós eige sjport en hobby gerei op de foto gegaon! Weej zien hieël beniejd as weej ouch good zien blieve plekke!