Belvend 700 jaor, wat zien d’r al leuke aktiviteite georganiseerd dit jaor. En ein van dees aktiviteite waas waal hieël sjpeciaal.
Neet weitend wat d’r zól gebeure sjtinge weej get te drinke. Toen inèns sjting de hoesmeister naeve ós en vroog of zeej ‘nne kieër koffie moch kómme drinke. In ieërste instantie waas ’t neet gans dudelik en dachte weej, tuurlik meug det.
Maar nao 3 telle hadde weej in de gate wat zeej bedoelde en woort ’t dudelik det ’t neet öm ’t koffiedrinke zól gaon. Pfoe, wat krege weej ’t werm van die gedachte.
Weej prikte ‘nne datum en jao huuer, de hoesmeister kwaam ech op de koffie. Vurdet daadwerkelik de vraog woort gesjteld, hadde weej al volmondig ‘JAO’ gezag.
Weej vinge ’t geweldig det weej dit same meuge meimake, ’t nieje broedspaar waere van 2027!!
Nów nag aafwachte of ós getuge d’r net zoeë vuuel zin in hebbe en den gaon weej d’r ein fantastisch jaor van make.
Vastelaovend, wie nów en wie vruger gaas op dae zuuger!
