De lètste tied zitte weej in ein sjtroumversjnelling en wat hebbe weej de aafgeloupe waeke gave dinge meigemak!
‘t Hoeëgtepunt waas netuurlik de bekèndmaking van de getuge!
Op ‘nne aovond in het geniep nao de winkel öm ós kleier oet te zeuke. Weej wiste al precies waat weej wólle, dus die keuze waas zoeë gemak.
En toen huuerde weej ónger al wat gerommel.
Weej móste in ‘t pashukske gaon sjtaon mèt de gordien toe.
Mèt ein tadaa woort d’r aope gemak en wat ware weej allemaol blie.
Weej vloge elkaar in de erm en zagte in koeër: Dit wuuert ‘nne fantastische vastelaovend!
Inkele waeke later woort det bevestig!
Nao get geborreld te hebben sjtinge weej mèt z’n vere in de keuke te danse…
Ein anger hoeégtepunt waas ‘t make van de foto’s. Örges op ‘n geheime lokasie móste weej kómme.
Dao sjting de koffie klaor en loge ós kleier. In vol ornaat nao boete, posere tösse de kiepe en anger vieë, gehieël in boeretrend.
Det waas erg gezellig en goof inkele hilarische momente.
‘t Resultaat van de foto’s hingk inmiddels al op verschillende plekke in Belvend. Det is waal gek huur, dichzelf dao zeen hange mèt dien gezich weggemoefeld.
Maar zèg èns, heb geej inmiddels al geraoje wae weej zien?