Eindelik hadde weej wir ‘n beejeinkóms. Dit kieër mogte weej al gans in ózze rol. Weej ginge op ‘n geheime lokasie foto`s make. Heej hadde weej super vuuel zin in!
Los van det ‘t bes waal kaat waas dae daag, waas ‘t waal ech super leuk! Eine van ós mog zelfs mèt ‘n kiep op de foto. Dr zien nag vuuel versjillende fotos gemak en weej zien ech niejsjierig nao ‘t resultaat. Dao mótte weej helaas nag efkes op wachte.
Pas geleje hebbe weej de letste vergadering vur de vastelaovend gehad. Weej krege toen alle lètste informatie en krege ouch ózze meziek medley te hure, wao weej strakkes op kènne hosse! De tied kèn ós neet sjnel genóg gaon. Laot maar kòmme dae vastelaovend!