Carnavalsvereiniging

De Belhamels

Niets

Verkoup "Den Belhamel"

08-02-2020

A.s. Maondig 10 fibberwarie zal ózze staatskrant “den Belhamel” hoes aan hoes waere verkoch.

In de middig zulle de boetewieke waere geloupe en vanaaf 17:00 oor in ’t dörp zelf.

Gènne paniek as geej neet thoes ziet want na maondig is dees Belhamelkrant ouch te koup beej de
Marskramer en Jumbo.

Pries €5,-

belhamelkrant 2020 cover

Opgaeve optoch 2020

07-01-2020

Aan alle optochdeilnimmers

‘t 6 X 11 Jäörig jubileum vierde weej in 2019 ónger ’t motto: Gans Belvend Dreit Door en wat dreide ‘t, ein fantastisch jaor hebbe weej achter ós, op nao ‘t volgende jubileum
Gaer nuuedige weej uch oet öm dit jaor wir aan de Belvendse optoch op zondig 23 fibberwari mei te doon.

Gekker mót t neet waere!

Mèt dit sjrieve sjteure weej ‘n insjriefformulier mei en notere alves get belangrieke datums.

Enquete

Nag effkes truuk kómme op de enquete van veurig jaor. Allemaol harsjtikke bedank veur ‘t invulle en vur de feedback. Heejoet is gebleke det weej op de goje waeg zitte de opbouwende opmerkinge nimme weej mei en wao meugelik doon weej d’r get aan. Same make weej dae sjitterende Belvendse optoch en haopelik kènne weej det in lingte van jaore blieve doon.

Regelement

‘t Regelement is te vinge op ós website www.belhamels.nl

Geluids Niveau
Beej vastelaovend huuert muziek en taegewoordig haet iddere deilnimmer waal zien eige geluudsinstallatie beej zich. Allemaol hartstikke sjiek netuurlijk, maar laote weej ein dink neet oet ‘t oug verlere, respect veur mekaar, daoröm wille weej uch vrintelik vraoge, öm raekening mèt mekaar en mèt ‘t publiek te haje. Dus let astebleef efkes op ‘t geluidsvolume. De Optocht.cie zal heej pro-actief op controlere.

De route zal ongewiezig blieve ten opzichte van veurig jaor.

Weej gaon as volg door Belvend trekke: Sjoelstraot/d’n Baog,keuninginneplein, wilhelminastraot, prins frederikstraot, prins hendrikstraot, prins bernhardlaan, sjoelstraot, industriestraot, julianastraot, de Hamar (sjtaevesplein)heej is aansjloetend de priësoetreiking.

Angersum opsjtelle

Ouch dit jaor zulle weej wir krangsöm opsjtelle, ‘t veurdeil heejvan is det alle deilnimmers de optoch kènne zeen.
Dit beteikend det ‘t letste nummer beej Urbanus/de baog opsjteld en nummer ein örges beej de aje Bolveld sjoeël.(aafhankelik aantal deilnimmers)
Ouch dit jaor sjildere weej wir nummers op de waeg zoeëdet geej mekkelik kènt zeen wao te gaon sjtaon, belangriek is ‘t öm good aan de kank (Spoor/Maas/weste) op te sjtelle zoeëdet angere deilnimmers good kènne passere.
Opsjtelle tösse 13.00 en 13.30 oor vertrek nummer 1 öm 13.45 oor zörg det geej op tied aanwezig ziet öm dit good te laote verloupe.

Opgaeve vur d’n optoch ken toet uuterlik zondig 9 fibberwari beej ‘n kemmissielid of via de mail: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

‘t Bezeuk aan de deilnimmers same mèt prins……??? wille weej net as veurgaonde jaore doon op de donderdigaovend, ivm met ‘t drökke programma zien d’r gen angere meugelikheje.
Dit jaor is det op donderdig 13 fibberwaari, as geej dit op pries sjtelt zet den zeker ‘n tillefoonnummer op ‘t insjriefformulier zoeëdet weej ‘n aafsjproak kènne make.

Deilnimmers die vur vergoedinge in aanmerking kómme kènne toet uuterlik zondig 3 miert raekeninge indene beej ein van de kemmissieleje. Allein orginele raekeninge dus gen kassabönkes kómme in aanmerking vur oëtbetalinge.

Omroep Venlo.

De letste jaore kump ömroop Venlo ózze optoch filme en zende heej ‘n samevatting van oet, öm beej dees oetzending zoeë good meugelik commentaar te gaeve hebbe weej gaer zoeëvuuel meugelik informasie van uch deilnimmers, oetleg mótto, oetbeelding of angere leuke weitenswaardigheje….. zoeëdet de versjlaaggaever vuuel kèn vertelle en de oetzending ten goje kump, sjrief dees informatie svp op de achterkank van ‘t insjriefformulier of nog leever mail dees info door. Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

Haopelik zeen weej ós alle truuk in de groeëte optoch door ‘t Belhamelriek.

Vur ‘t opgaeve, deklarere, en informasie,  Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.
Sjoerd Crommentuijn, Bolenbergweg 69
John van Wijlick, Veldekestraat 42
Eugene Wijnands, Julianastraat 29
Mark Steegh, Leijgraaf 22
Tim Steegh, Tuindersweg 4

Met vastelaovesgroete,
Optochkemmissie C.V. “ de Belhamels “.

2020 Gekker mót ‘t neet waere!

Download heej ug:

Insjriefformulier optoch 2020
Agemeen Optoch Regelement Groet Venlo 2020

Raoj “De Nieje” 2020

28-12-2019

Ouch dit jaor haet de prinsekemmissie zien bes gedaon öm ‘ne gesjikte kandidaat te vinge.

Zoeëas geej allemaol in de belaevenisse heb kènne laeze, haet “De Nieje” d’r hartsjtikke vuuel zin in.
Weit geej weej ‘t geit waere, sjteur een mailtje nao Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. of vul ‘t raoj breefke in
beej de Hamar, Juliana, Geloe of beej de Jumbo.

Geej maak ouch dit jaor wir kans op ein kedoo-bon, besjikbaar gesjteld door ein van ós sponsore
Top Slijterij Salut.

Raoje Prins 2020

Raoj ’t nieje boerebroedspaar 2020

28-12-2019

Ouch dit jaor haet de boerekemmissie wir eur bes gedaon öm gesjikte kandidate te vinge.

Zoeëas geej allemaol in de belaevenisse heb kènne laeze, hebbe ‘t Nieje BB en eur getuge d’r
hartsjtikke vuuel zin in. Weit geej weej ‘t geit waere, sjteur een mailtje nao Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.
of vul ‘t raoj breefke in beej de Hamar, Juliana, Geloe of beej de Jumbo.

Geej maak ouch dit jaor wir kans op ein kedoo-bon, besjikbaar gesjteld door ein van ós sponsore
Top Slijterij Salut.

Raoje BB 2020

Belaeveniss JBB- Weej wille ouch wir efkes van ós laote hure

21-12-2019

Óngertösse zien weej alwir ’n paar maond verder. Achter de sjerme gebeurt d’r al vanalles.

De kleier zien inmiddels gepas en dao mós waal efkes get verangerd waere öm ’t good passend te kriege maar oeteindelik is dit gans good gekómme en is ’t toch waal wenne öm ós same te zeen in ’t sjpeegel met de kleier aan en kap en pet op ózze kop.

Same mèt ós elders zien weej in het geheim al ‘nne aovend beejein gewaes öm planne te make, tuurlik waas det ‘nne aovend mèt vanalles lekkers. Leuk is det öm same det groeëte geheim te meuge deile mèt elkaar want ’t deurt toch nag efkes vurdet ‘t 2-2-2020 is. De mix mèt al ós favoriete liedjes is al klaor en heej kènne weej veskes op sjpringe zoeëdet weej ouch genog conditie hebbe. Want ’t geit KNALLE!!!!

Op ‘nne duustere aovend zien weej foto’s gaon make. Óngerwaeges toch waal get kriebels in d’n boek.  Tjuu…nów veur ’t eggie in vol ornaad van sjoon wies kap en pet en alle accessoires d’r beej! Wat hebbe weej dao al ’n lol gehad. D’r zien hieël get foto’s gemak. Jaomer det weej uch nag niks meuge vertelle heej euver maar det got geej waal zeen op de posters, belhamelkrant en ós reseptiekaarte. Ouch weej zelf zien mega niejsierig nao ’t resultaat. Sjpannend!!!!!

Vastelaovend liek nag hieël wied weg. Gelökkig hebbe weej bienao de fieësdaag en dus ouch vakantie. As weej den waer nao sjoeël gaon, kènne weej beginne mèt aaftelle.

Weej winse idderein sjoeëne fieësdaag en ’n gezónk en gelökkig niejaor toe!
En det ’t gauw 2-2-2020 meug zien want weej hebbe d’r zin in. Geej ouch?

JBB 2020