Carnavalsvereiniging

De Belhamels

Optochkemmissie

De Optochkemmissie van carnavalsvereiniging De Belhamels besjteit oet ‘n vieftal persoëene. Same haje zeej zich bezig met ‘t planne / organisere van de Belvendse Optoch en ‘t  inhaole van de prins en jeugprins(ses).

O.a. ‘t make van insjriefformuliere en ‘t verspreie daovan, optoch samesjtelle zoeëdet d’r eine goje mix onsjteit tösse de versjillende categorieje enz. zien take van dees kemmissie.

Op de daag van de optoch is de gehieële kemmissie aktief in de Belvendse sjtraote. Nummers aanbringe op ‘t waegdek, waegafzettinge plaatse. De optoch opsjtarte op de Sjoeëlsjtraot.

De jurering wuuert verzörg door ‘n aafvaardiging van de Aad-Prinse.

De Optochkemmssie besjteit oet de volgende leje:

Sjoerd Crommentuijn
Mark Steegh
Tim Steegh
John van Wijlick
Eugene Wijnands


 

Opgaeve optoch 2023

23-12-2022

Aan alle optochdeilnimmers

Wat un gekke 2 jaor hobbe weej achter ôs. Waal, Neet, Waal, Neet, eine onzekere tied dae we achter ôs laote.
Gaer nuuedige weej uch oet öm dit jaor aan de Belvendse optoch op zondig 19 fibberwari meij te doon.

Onger ’t Motto: Vastelaovend viere, det verlieëre weej neet!

Mèt dit sjrieve sjteure weej ‘n insjriefformulier meij en notere alves get belangrieke datums.

Regelement
‘t Regelement is te vinge op ós website www.belhamels.nl

De route zal ongewiezig blieve ten opzichte van veurig jaor.
Weej gaon as volg door Belvend trekke: Sjoelstraot/d’n Baog,keuninginneplein, wilhelminastraot, prins frederikstraot,
prins hendrikstraot, prins bernhardlaan, sjoelstraot, industriestraot, julianastraot, de Hamar (sjtaevesplein)heej is
aansjloetend de priësoetreiking.

Angersum opsjtelle
Ouch dit jaor zulle weej wir krangsöm opsjtelle, ‘t veurdeil heejvan is det alle deilnimmers de optoch kènne zeen.
Dit beteikend det ‘t letste nummer beej Urbanus/de baog opsjteld en nummer ein örges beej de aje Bolveld
sjoeël.(aafhankelik aantal deilnimmers)
Ouch dit jaor sjildere weej wir nummers op de waeg zoeëdet geej mekkelik kènt zeen wao te gaon sjtaon, belangriek is
‘t öm good aan de kank (Spoor/Maas/weste) op te sjtelle zoeëdet angere deilnimmers good kènne passere.
Opsjtelle tösse 13.00 en 13.30 oor vertrek nummer 1 öm 13.45 oor zörg det geej op tied aanwezig ziet öm dit good te
laote verloupe.

Geluids Niveau
Beej vastelaovend huuert muziek en taegewoordig haet iddere deilnimmer waal zien eige geluudsinstallatie beej zich.
Allemaol hartstikke sjiek netuurlijk, maar laote weej ein dink neet oet ‘t oug verlere, respect veur mekaar, daoröm
wille weej uch vrintelik vraoge, öm raekening mèt mekaar en mèt ‘t publiek te haje. Dus let astebleef efkes op ‘t
geluidsvolume. De Optocht.cie zal heej pro-actief op controlere.

Jubelarissen
Weej willen als C.V. de Belhamels mier aandacht sjinke aan de jubelarisse die meij doon aan d’n optoch. Heejveur
hobbe weej in het opgave formulier unne extra regel opgenaome, wao weej aan uch vraoge um te noteren veur de
wievuulste kier det geej meij doot aan d’n optoch.

Opgaeve vur d’n optoch ken toet uuterlik zondig 5 fibberwari beej ‘n kemmissielid of via de mail:
Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

Bezeuk Deilnimmers
‘t Bezeuk aan de deilnimmers same mèt prins……??? wille weej net as veurgaonde jaore doon op de donderdigaovend,
ivm met ‘t drökke programma zien d’r gen angere meugelikheje.
Dit jaor is det op donderdig 9 fibberwaari, as geej dit op pries sjtelt zet den zeker ‘n tillefoonnummer op ‘t
insjriefformulier zoeëdet weej ‘n aafsjproak kènne make.

Deilnimmers die vur vergoedinge in aanmerking kómme kènne toet uuterlik zondig 5 miert raekeninge indene beej ein
van de kemmissieleje. Allein orginele raekeninge dus gen kassabönkes kómme in aanmerking vur oëtbetalinge.

Omroep Venlo
De letste jaore kump ömroop Venlo ózze optoch filme en zende heej ‘n samevatting van oet, öm beej dees oetzending
zoeë good meugelik commentaar te gaeve hebbe weej gaer zoeëvuuel meugelik informasie van uch deilnimmers,
oetleg mótto, oetbeelding of angere leuke weitenswaardigheje….. zoeëdet de versjlaaggaever vuuel kèn vertelle en de
oetzending ten goje kump, sjrief dees informatie svp op de achterkank van ‘t insjriefformulier of nog leever mail dees
info door. Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

Haopelik zeen weej ós alle truuk in de groeëte optoch door ‘t Belhamelriek.

Vur ‘t opgaeve, deklarere, en informasie, Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.
Sjoerd Crommentuijn, Bolenbergweg 69
John van Wijlick, Veldekestraat 42
Eugene Wijnands, Julianastraat 29
Mark Steegh, Leijgraaf 22
Tim Steegh, Tuindersweg 4
Met vastelaovesgroete,
Optochkemmissie C.V. “ de Belhamels “.

Vastelaovend viere, det verlieëre weej neet!

 

Download heej ug:

Insjriefformulier optoch 2023
Agemeen Optoch Regelement Groet Venlo 2023