Reis met 't tiedmesjien truuk in de tied van carnavalsvereiniging De Belhamels.
Tiedmesjien
De Prinse, Broedspare en Jeugbroedspare die we door de jaore haer hebbe gehad hebbe zich vereinig as de Aad Prinse, Aad Broedspare en Aad Jeugbroedspare.
Aad Prinse
De Aad Prinse Club is opgerich in 1975. De aanzet woort gegaeve door Jan Naus en Neer van Dijk (Aad-Prinse van 't ieërste oor), tiedes eine "sjtille" vastelaovesmaondig in zaal 't Witte Paerd beej Rang Beurskens. Terwieël ze met doorsjlaeg, deksels en panne same met nag angere vastelaovesvierders door de zaal trokke, kwaam de gedachte det d'r ouch op vastelaovesmaondig get mier kebaal mós kómme in 't Belhamelriek.
Öm alle Aad Prinse te bekieke klik op ein van de baovesjtaonde tiedvakke van 't tiedmesjien.
De Aad Prinse zien ouch op Facebook te vinge ónger: Aad Belhamel Prinsen
Aad Broedspare
D'r is eine tied van kómme en van gaon, ouch veur ein broedspaar. Op 't Sjpruutjesmatinee, net veurdet 't nieje paar bekend wuuert gemak zal 't broedspaar aafsjied nimme en verder gaon as Erme Tak binne 't gezelsjap. Dees aafsjloetende sirremonie is hieëlemaol in heng van 't Traum Team. Zoeë nump zich de klup van Aad Broedspare die 't aaftraejende paar op ludieke wieze in eur midde opnimme. Door de sjtaldeure geit 't paar met de getuge den truuk in de anomiteit. Aad Broedspare binne 't gezelsjap zien te herkenne aan de sjpeld met de twieë klómpe en eur boere jaortal dao beej ingegraveerd.'t Traum Team helt meistal op de ieërste zaoterdig in juli eur jaorliks oetsjtepke. Tradisie is inmiddels de picknikmang met al det lekkers van 't boerelangk en oet de sjtal. Die mang geit altied mei met de fiets en op ein sjoeën plekske vingk den de picknik plaats. Verder is 't jaorliks ein verrassing wat de organisasie wir oet d'n aek haet gedreid. Ein versjlaag van de daag met foto sjteit 't jaor d'r op in de Belhamelkrant.
Öm alle Aad Broedspare te bekieke klik op de ieërste dreej baovesjtaonde tiedvakke van 't tiedmesjien.
Aad Jeugbroedspare
Ouch de Aad Jeugbroedspare hebbe zich metein gevónge. Zeej gaon veskes same op receptie beej 't nieje Jeugbroedspaar.
Öm alle Aad Jeugbroedspare te bekieke klik op op 't ieërste tiedvak van 't tiedmesjien.