Belaevenisse

Boerebroedspaar

Belaevenisse december 22

02-01-2023

‘t Is al zoeëlang geleje det weej ech vastelaovend gevierd hebbe. Haopelik zien weej ‘t neet verlieërd.
Óngertösse maar wachte, wachte, wachte.

‘t Moment waas dao.
De aovend waas aangebraoke det weej ós getuge ginge ontmoete. ‘t Kriebelde euveral.
De keuzekemmissie waas net zoeë zenuwachtig as ós.
Weej wiste netuurlik al det weej ‘nne fantastische tied taegemoot zólle gaon. Maar mèt wae geisse dit deile?
Dao zien zeej den!
Jao! Wat is dit sjpeciaal. Dit wuuerd hieëlemaol super!
Wat hebbe weej al gelache mèt de fotoshoot en aaf en toe as weej ós zeen, knipouge weej nao mekaar en dinke weej allein maar roeëd, geel en greun!
Weej kènne nimmer wachte wies ‘t spruutjesmatinee.