De Belhamels

361 daag

15-11-2022

Zoeëlang is ‘t al geleje det vors John beej mich veur de deur sjting. Vandaag is eine beejzóngere daag: ein vergadering mèt ein nieje bezetting van de prinsekemissie! Wao veurhaer vors John en sirremoniemeister Sjoerd zich öm mich bekommerde, hebbe zeej in de tössetied letterlik en figuurlijk ‘t sjtekske euvergedrage aan Geert en Rob. Eff wenne veur idderein aan taofel, maar waal erg vuuel nieje energie en nag belangrieker: óntzettend vuuel zin öm kómmend jaor mèt uch ein fieésje te bouwe!

In ‘t veurjaor heb ich, same mèt uch, tóch nag ein bietje vastelaovend kènne viere. Wao vastelaoveszondig woort aangekleid mèt eine sjieke (op)toch, zien de jeug hoeëghede in mei oetgekómme. Geweldig öm te zeen wie zeej zich hebbe geammuseerd en wie ‘t dörp massaal oetleep veur dees toekóms van ózze vastelaovend. Super sjiek!

Ich wil de ganse tied al maar ‘t is nag neet zoeë wied’ (oet 't liedje '33 daag' van Bram Holla) is eine teks dae mich dök door de kop sjuut en dae ouch waal passend is: ‘t deurt lang, ech lang, veurdet ich mèt mien femielie en kammeräöj mien geheim kèn deile. Gelökkig heb ich in de tössetied eine goje vertrouwenspersoeën gevónge wao ich taegenaan kèn praote. Det sjaelt eie houp kèn ich uch zègge!

In de tössetied regel ich de dinge die nag gedaon mótte waere, maar stiekem is ‘t aaftelle waal begós. Aaftelle nao ein seizoen mèt uch allemaol same en gewoeën wir vastelaovend viere. Ich heb d'r zin in, geej ouch?

‘Want sjepe verwelke en roeëze vergaon, aevel vastelaovend blief altied besjtaon! (De klink van de kroeg, hoondervel)’. 

Save the date!

13-10-2022

Vorswissel en Jubilarissen C.V. De Belhamels

07-10-2022

Tiedes de jaorlikse Algemeine Leje Vergadering haet de officiële vorswissel plaatsgevónge.
Aad-vors John v Wijlick haet  persuuenlik de scepter aan de kèrverse vors Geert Kurstjens euvergedrage.

Nao dees wisseling woort aad-vors John netuurlik bedank vur al ’t wèrk det hae de aafgeloupe jaore  vur de Belhamels haet gedoon en daoveur woort hae benump toet ieërelid van de vereiniging.

Ouch woorte tiedes dees vergadering  ós Jubilarissen gehuldigd.

Dit jaor ware det:
Aad Prins Wim v.d. Beucken 3x11 jaor
Tom Reinders 2x11 jaor
Aad Prins Huub Peeters 2x11 jaor
Sjoerd en Linda Crommentuijn - v. Willick beide 1x11 jaor
Ralph Nissen & Peggy Hendrix , beide 1x11 jaor
Stephan Holtman 1x11 jaor

Aafwezig waas  Peggy Holtman 1x11 jaor, zeej zal op eine anger gesjik moment alsnag waere gehuldigd.
Weej filliciteren nagmaals al ós jubilarissen en aad-vors John, Geert Kurstjens winse weej vuul sukses in zien nieje rol.

Op de foto óntbraeke helaas Tom Reinders, Huub Peeters en Peggy Holtman.

De optocht

05-02-2022

Opstaeker te koup!

10-11-2021