Carnavalsvereiniging
De Belhamels
Niets
Niej Belhamel lied
10-11-2019
Tiedes ’t Insjete is gisteraovend ’t nieje Belhamellied geprizzenteerd.
Jaore lang hebbe weej Huuer die Bel, huuer die Bel….gehuuerd.
Ónger de jóngere garde besjtaon de behoefte ein niej liedje te kriege.
Jessica Zeegers, Marsha Elgers en Henny v Hameren hebbe zich beejein gezatte öm same mèt Stef Kupers en niej liedje te maken.
Dao is ’t volgende liedje oet óntsjtaon!
‘t Nieje liedje haet Belvend Alaaf
Hee ónger kènt geej ’t leedje huuere en mèt beejgaonde tekst mei zinge.
Klik heej om het liedje te downloaden en te beluusteren.
Belhamelliedje
Weej kómme d’r aan, maak plaats, dao zien we
Belvend Alaaf
De ganse bubs det kèn neet misse
Belvend Alaaf
Weej gaon ein fieësje bouwe
Kom sjpring, zing, dans en drei
En zien neet weg te houwe
Dus doot maar mèt ós mei
As weej binne zien den wille weej
Uch ‘t allerleefs d’r beej
Wille fieëste make joeks en sjpas
Häök maar vas aan ózze jas
Refrein
Jónk of aad ‘t lup heej al door-ein
Idderein is op de bein
Weej zien, en geej raojt ’t al missjien
Gruuets öm Belhamel te zien
Refrein
Gank nów efkes door de kneen
En den vaere weej weer op, kóm op
Refrein
Prins Jacques d'n Ieërste euverleeje
08-11-2019
Toet ózze groeëte sjpiet hebbe weej kennis genaome van ’t euverlieje van ósToet ózze groeëte sjpiet hebbe weej kennis genaome van ’t euverlieje van ószieër gewaardeerd lid, Aad Prins en lid van Verdienste
Jacques Geurts
As prins Jacques d’n Ieërste is Jacques in 1991 prins van De Belhamels gewaes, Hae haet vuuel vur ós vereiniging gedaon. Zoeë haet hae ouch vuuele jaore ’t sikkertariaat bemand. Weej verlere in Jacques eine groeëte persuuenlikheid, mèt ’t vastelaoveshert op de juuste plek.
Weej winse zien vrouw Ine, kinger, kleinkinger en einidder dae Jacques dich beej sjting hieël vuuel sjterkte beej ’t verwerke van dit verlees.
Names
Carnavalsvereiniging “De Belhamels” Belvend
Ron van Zoest, veurzitter
Insjete
31-10-2019
Leef Belhamels en Belhamelinnekes,
Gekker mót ’t neet waere! Ónger det motto gaon weej zaoterdig 9 november ós nieje vastelaoves seizoen inluje
Det geit waeges ‘t groeëte succes vurig jaor op ‘n vur Belvend ongekènde wieze plaatsvinge.
Weej gaon namelik “aad op nie” viere. Det wil zègge det weej saoterdes 9 november öm 20.00 oor sjtarte mèt ‘n leuk programma en weej haje door zoeëdet weej midde in de nach öm kloksjlaag twelf oor ós nieje seizoen op ‘n ludieke meneer kènne inluje.
Mèt meiwerking van: Dj Jeffrey, Ken en Robbie (ontsjtaon vanoet de in Belvend welbekende formatie Pats), Joekskepel Och Den Doedel en ‘n echte surprise act!
Aanvang: 20.00 wies 01.30 oor
Entreej vreej
D’n Opstaeker 2020
23-10-2019
Beeldend kunstenaar Ruud Simons oet Blerick haet vur de kómmende vastelaovend D’n Opstaekerᵀᵐ 2020 óntworpe. Vors Carotius VIII van Vastelaovesgezelschap De Wortelepin vraog Simons öm dit jaor oet naam van alle vief de sjtadsdelvereniginge D’n Opstaekerᵀᵐ 2020 te óntwerpe. Het óntwerp van Simons is een ode aan de kater.
Mèt Vastelaovend tovere weej altied wir de meiste fantasievolle creaties ónger ózze muts oet. De gekste ideeën ontsjtaon, de creativiteit vluug oet ózze kóp en vingk zien vorm in allerlei pekskes, gesjminkte snoetjes, hudjes en optochwaeges. De tied van joeks en theater is aangebraoke wao beej ‘t vloeibare goud ouch riekelik door de sjtraote sjtruimp, zoeë zaet Simons. Maar zoeëas alles in ‘t leave haet ouch de vastelaovend soms zien klein naodeil.
Mèt al det gefieës kèn ‘t zien desse sangerdaags opsjteis mèt eine versjrikkelikke koppien. De alcohol luuet den zien valse karakter zeen. Beej meinige vastelaovesvierder is den ein paracetamol, eine flink sjlók koffie en ein geruusterd boterhammeke nuuedig öm zich smiddigs wir vol euvertuuging euver te kènne gaeve aan de meziek en ‘t gedans. En opèns huuers se den wir: “Sjöd d’r mich nag eine in, ich ving det grej zoeë lekker….”
Ruud simons (57) haet in Mestreech de sjtadsacademie vur Toegepaste Kunst (ABKM) bezóch en de ieërste graod docente opleiding TEHATEX wao hae in 1986 is aafgesjtudeerd. Mieër informatie euver Ruud Simons is te vinge op www.ruudsimons.com
D’n Opstaekerᵀᵐ’ is ein soort broche die sjteit vur een dreejtal zake; eine bliek van waardering vur de vuuele vreejwilligers die allerlei carnavalsactiviteite organisere in de sjtadsdeile Venlo, Bliërick, Tegele, Belvend en Árce en Velden; ein bliek van betrokkeheid beej de vastelaovend en eine finansjele opstaeker vur alle carnavalsvereniginge in deze regio. De vief sjtadsdeilvereiniginge van de gemeinte Venlo haope det de inwoeëners, net as verleje jaor, wir massaal dees vastelaovesbroche zólle koupe öm zoeë de versjillende vastelaovesactiviteite van de diverse vereiniginge te óngersjteune.
D’n Opstaeker™ 2020 zal op d’n Ellefde van d’n Ellefde waere geprizzenteerd. Vanaaf dae datum is hae ouch te koup beej Marskramer, Topslijter Salut, Café-Zaal ‘Juliana’, en tiedes de versjillende carnavalsaktiviteite.
Witte Rouk JBB 2020
11-10-2019
