Carnavalsvereiniging

De Belhamels

Jeugboerebroedspaar 2019 360x540

Giel Smeets en Sanne Schouren,
6e Jeugbroedspaar van Boerebroelef C.V. De Belhamels.

 

Op zóndig 10 fibberwari is in eine good gevulde "Hamarsjtal” ós zesde Jeugboerebroedspaar oetgekómme.

Giel, zoon van Peter (Pierre) van Cornelis van An en Drees van Druuk van de Pannesjop en van Hendrika van Wullum van Giesen van de verzekeringe en van Iet van Liėne van Appele Ietje.
En van Wendy van de blaageopvang van Paulus oet Venlo van Door van Sef, de gerdeneer van de Stalberg en van Gertruda van Mia van de koedeljach oet Aarce en Sjeng van Janssen van de Boereleenbank oet Venlo.

Sanne, dochter van Peter (piet) oet Geloë, van Jan Schouren van Sjeak van de Zankkamp
oet Hout Blierick en Lies van de Belse hook en van Annie Peeters van Graad van Bliericks Pietje en An van Tuunke oet Geloë
En van Susan (Soetie) van oppe Ruiver, van Jo Janssen van Wim van Verkes Peeters
en Stien van Druuk Smeets en van Mariet Peulen van Piet van de Paal en Leen van Achten Sjang.

Giel en Sanne loupe dit Vastelaovesseizoen veurop in de jeugboerebroelef as 't zesde jeugboerebroedspaar van de Belhamels

Giel is 14 jaor en woeënt same met zien pap en mam en zuske Bo op de Industriesjtraot in Belvend. Giel zit in Remunj op sjoeël. In ziene vreje tied voetbalt hae beej de C2 van Belfeldia en is hae same met ziene pap lid van sjutterie St.Urbanus.

Sanne is 12 jaor en woeënt same met pap en mam op de Tegelsewaeg beej Kefee Geloë. Sanne zit in groep 8 van de basissjoeël Kom.mijn beej juf Lieke. In de vreje tied duit ’t danse beej Dance No Limit en lekker chille met vriendinne. Ouch vingk Sanne ’t erg leuk öm op verzeuk plaetjes te dreie en opa en oma te helpe in ’t Kefee.

Same vinge zeej vastelaovend viere kei leuk en zien zeej ouch al mierdere kieëre meigeloupe in d’n optoch.
Zeej zulle d’r den ouch zeker vur gaon zörge det Belvend tiedes de vastelaovend gans door geit dreie!