Carnavalsvereiniging

De Belhamels

Belaevenisse

Jeugboerebroedspaar

Hallo allemaol

12-12-2018

Inmiddels zien weej alwir iets verder in de tied richting de vastelaovend. Sinterklaos is wir truuk nao Spanje en de körsbaum sjteit nów in de kamer. Weej gaon gelökkig richting de fieësdaag, de waeke kènne vur ós neet sjnel genóg gaon. Weej hebbe óngertösse neet sjtil gezaete, de pekskes zien compleet en de foto’s zien al gemak. Tjuu…wat waas det lache mèt die foto’s make! ’t Blief ouch hieël sjpannend en weej kènne has nimmer ózze mónk haje, maar gelökkig kènne weej d’r mèt ós elders euver praote. Ouch ’t groeëte broedspaar mèt getuge, ózze hoeëgheid, jeugprins(es) en KOW prins(es) zulle ’t waal van de dake wille sjrieëve maar ouch die mótte nag de mónk haje. Wae wet zien weej ós al ens örges taege gekómme!

Beej dees winse weej alle minse van Belvend sjoeëne fieësdaag en ‘nne gójje roetjsss nao 2019. Weej zulle ’t nieje jaor knallend in gaon op waeg nao de vastelaovend 2019!

Groetjes Jeugbroedspaar 2019

Sjpontaan bezeuk

16-10-2018

Op ‘ne doordewaekse aovend krege weej sjpontaan bezeuk. Zeej sjtelde zich veur en ’t bleek de keuzekemmissie te zien van de jeugboerebroelef.

Dae aovend kwame zeej beej ós allebei thoes vraoge of weej de ker mei wille trekke van het Belhamelriek tiedens de vastelaovend van 2019. Eine groeëte druim kump oet! Maar ouch zeker sjpannend en veural met wae.

Gelökkig hebbe weej ein waek later kennis gemak same met ós pap en mam en haet de kemmissie al ’n bietje verteld wat d’r allemaol geit kómme vur ós, zoeëas kleier passe, foto’s make en weej krege zellefs hoeswerk! Sjtiekum hebbe weej ouch al efkes gesjprónge.

Weej kenne uch zègge det gans Belvend door geit dreie! Maar now nog hieël lang de mónk haje wat zeker moeilijk zal zien. Maar det is ’t ós zeker waerd!

Weej hebbe d’r nów al kei vuuel zin in!

Hieël vuuel groetjes JBB 2019