Carnavalsvereiniging

De Belhamels

36 ste Broedspaar van de Boerebroelef in Belvend.

BB2020 

C.V. De Belhamels

Op zóndig 2 fibberwarie zien in ein gezellig en good gevuld gemeinsjapscentrum De Hamar , Mikel van Aarssen en Sanne Hendriks as ‘t nieje 36ste Boerebroedspaar oetgerope.

Same mèt eur getuge Roy en Ankie Netten gaon zeej de ker trèkke beej de Boerebroelef en mèt alle angere Belhamels, Belhamelinnekes, Boere en Boerinne gaon zeej d’r ein geweldig fieës van make, det sjteit vas...

Ós broedspaar is al 9 jaor ein paar en hebbe eure sjtek gevónge op de  Soerbaekwaeg. Zeej kènne zich beide neet heuge ‘nne  vastelaovend euver geslage te hebbe. Zoeë leep Sanne al de polonaise op ‘t kabouterbal, wie zeej net kós laope en Mikel woeënde vreuger in Tegele en haet ‘t vastelaovend viere gelierd beej de kleitrappers.

Same mèt eur getuge hebbe zeej boete ‘nne vriendeband ouch ‘nne  sportieve bank, doordet zeej allemaol lid zien van BVC Holyoke. Daonaeve zien Sanne En Ankie Nichtjes.

In 't dageliks laeve stjeit ós bruudje vur de klas. Zeej wèrk op ‘t  Gilde in Venlo en haop dao kinger wiezer te make in de marketing en verkoup.

In eure vreje tied  is zeej te vinge beej BVC Holyoke. Dao sjpeult zeej beej de recreante. Maar de meiste tied geit zitte in ‘t regele van allerlei zake binne die vereiniging. Zeej is activiteite coördinator en is hoofleiding beej ‘t kamp van Holyoke. Same mèt eur femielie en kammeräöj viert zeej al zoeëlang det zeej zich kèn heuge vastelaovend in Belvend.

Mikel wèrk  beej de gemeinte. Beej de gemeinte Leudal waal te versjtaon. Dao is hae actief in ‘t verbaetere van de samewerking tösse de bewoeëners en de gemeinte. ‘t Vastelaoves viere zit öm in ‘t blood, Hae is in Tegele al èns prins gewaes op de BS de Wingerd en same mèt zien pap en mam , kleitrapper femielie gewaes.

Ouch Mikel is te vinge beej BVC Holyoke,

Dao sjpeult hae in ‘t ieëste van Holyoke, maar ouch hae regelt allerlei zaken veur de vereiniging. Hae let op dit moment zelfs op de cente.

Mikel en Sanne waere tiedes ‘t ‘Groeët Belvends Binnebal’ op vastelaoveszaoterdig öm 11 euver 5 in "Fieëszaal Juliana" in d’n onech verbónge beej de Boere-Trouwerie. Op vastelaovesdinsdig is d’r vanaaf 16.30 oor gelaegenheid öm ‘t Broedspaar en eur getuge te fillicitere  tiedes eur Boere-resepsie in Gemeinsjapscentrum De Hamar.

Dees resepsie haje zeej same met ’t Jeugboerebroedspaar