Carnavalsvereiniging

De Belhamels

Belaevenisse

Boerebroedspaar

Ós nieje broedspaar haet de ieërste belaevenisse gemak..

15-10-2018

Ein bietje aan ‘t beejkómme van ‘nne bloodheite zomer zitte weej niks in de gate hebbend lekker op de bank as de bel geit en emes de vraog sjtelt of ze efkes binne meug kómme. Maar jao…gezellig!

Zoeë wie det geit wuuert d’r get euver koetjes en kelfkes gepraot en vraog ich of d’r koffie gedrónke wuuert. ”Nae, ich kóm allein efkes get vraoge”. In ‘nne flits kump inens in mich op....nae det zal toch neet...en de hoesmeister begint al te lache en zaet: “jao, eigelik wou ich det efkes kómme vraoge!” Weej kieke ós aan en beej ós allebei kómme drek al ‘n aantal vraoge nao baove. “Dink d’r èns euver nao en laot mich get weite”.

De hoesmeister de deur oet en weej kieke ós ‘nne tied aan en zègge daonao zoeëwet geliektiedig: “dao kènne weej gèn nae op zègge!” Wie weej de hoesmeister wir sjproke hebbe weej dus ouch volmondig “Jao” gezag! Sjpannend…wat geit d’r gebeure…wat mótte weej allemaol doon…wie gaon ze ‘t vinge?!

Óngerhank hebbe weej ós ieërste gesjprek gehad en wuuert ‘t met de daag leuker!

D’r zulle nag zoeëvuuel angere dinge op de kalender sjtaon, maar weej zitte al sjtiekem in ózze kop beej de vastelaovend van 2019!