Carnavalsvereiniging

De Belhamels

Niets

Insjete

31-10-2019

Leef Belhamels en Belhamelinnekes,

Gekker mót ’t neet waere! Ónger det motto gaon weej zaoterdig 9 november ós nieje vastelaoves seizoen inluje

Det geit waeges ‘t groeëte succes vurig jaor op ‘n vur Belvend ongekènde wieze plaatsvinge.
Weej gaon namelik “aad op nie” viere. Det wil zègge det weej saoterdes 9 november öm 20.00 oor sjtarte mèt ‘n leuk programma en weej haje door zoeëdet weej midde in de nach öm kloksjlaag twelf oor ós nieje seizoen op ‘n ludieke meneer kènne inluje.

Mèt meiwerking van: Dj Jeffrey, Ken en Robbie (ontsjtaon vanoet de in Belvend welbekende formatie Pats), Joekskepel Och Den Doedel en ‘n echte surprise act!

Aanvang: 20.00 wies 01.30 oor

Entreej vreej

2019 11 9 inschieten

D’n Opstaeker 2020

23-10-2019

Beeldend kunstenaar Ruud Simons oet Blerick haet vur de kómmende vastelaovend D’n Opstaekerᵀᵐ 2020 óntworpe. Vors Carotius VIII van Vastelaovesgezelschap De Wortelepin vraog Simons öm dit jaor oet naam van alle vief de sjtadsdelvereniginge D’n Opstaekerᵀᵐ 2020 te óntwerpe. Het óntwerp van Simons is een ode aan de kater. 

Opstaeker

Mèt Vastelaovend tovere weej altied wir de meiste fantasievolle creaties ónger ózze muts oet. De gekste ideeën ontsjtaon, de creativiteit vluug oet ózze kóp en vingk zien vorm in allerlei pekskes, gesjminkte snoetjes, hudjes en optochwaeges. De tied van joeks en theater is aangebraoke wao beej ‘t vloeibare goud ouch riekelik door de sjtraote sjtruimp, zoeë zaet Simons. Maar zoeëas alles in ‘t leave haet ouch de vastelaovend soms zien klein naodeil.

Mèt al det gefieës kèn ‘t zien desse sangerdaags opsjteis mèt eine versjrikkelikke koppien. De alcohol luuet den zien valse karakter zeen. Beej meinige vastelaovesvierder is den ein paracetamol, eine flink sjlók koffie en ein geruusterd boterhammeke nuuedig öm zich smiddigs wir vol euvertuuging euver te kènne gaeve aan de meziek en ‘t gedans. En opèns huuers se den wir: “Sjöd d’r mich nag eine in, ich ving det grej zoeë lekker….”

Ruud simons (57) haet in Mestreech de sjtadsacademie vur Toegepaste Kunst (ABKM) bezóch en de ieërste graod docente opleiding TEHATEX wao hae in 1986 is aafgesjtudeerd. Mieër informatie euver Ruud Simons is te vinge op www.ruudsimons.com

D’n Opstaekerᵀᵐ’ is ein soort broche die sjteit vur een dreejtal zake; eine bliek van waardering vur de vuuele vreejwilligers die allerlei carnavalsactiviteite organisere in de sjtadsdeile Venlo, Bliërick, Tegele, Belvend en Árce en Velden; ein bliek van betrokkeheid beej de vastelaovend en eine finansjele opstaeker vur alle carnavalsvereniginge in deze regio. De vief sjtadsdeilvereiniginge van de gemeinte Venlo haope det de inwoeëners, net as verleje jaor, wir massaal dees vastelaovesbroche zólle koupe öm zoeë de versjillende vastelaovesactiviteite van de diverse vereiniginge te óngersjteune.

D’n Opstaeker™ 2020 zal op d’n Ellefde van d’n Ellefde waere geprizzenteerd. Vanaaf dae datum is hae ouch te koup beej Marskramer, Topslijter Salut, Café-Zaal ‘Juliana’, en tiedes de versjillende carnavalsaktiviteite.

Witte Rouk JBB 2020

11-10-2019

Witte rouk JBB 2020 1

Weej Boerebroedspaar 2020? Gekker mót ’t neet waere!!!

07-10-2019

‘T waas ‘nne doeëdgewoeëne door de waekse daag. Dao sjtóng ‘saoves laat inèns emes vur de deur. Totaal ónverwach. Of zeej efkes binne moch kómme.  Tuurlik, waorum neet? Maar wae bis dich? Maar det woort sjnel dudelik.
Weej Boerebroedspaar 2020? Gekker mót ’t neet waere!!!

 Dao zote weej al vlot mèt de mónk vol teng. Of weej Boerebroedspaar 2020 wille waere? Weej ware óntzettend verras en hadde uiteraard óntzettend vuuel vraoge, maar baovenal vónge weej ‘t ein óntzettende ieër det zeej aan ós dóchte öm dees prachtige rol te meuge vervulle. “Laot ‘t maar èns efkes bezinke en laot den maar get weite” en dao ging zeej wir.

 De hoesmeister waas klamp weg, of weej kwame al sjnel toet dezelfde conclusie. Dit is ein unieke kans die weej ech neet aan ós vurbeej meuge laote gaon.

Weej gaon ‘t doon!

 Eine sjlaopeloze nach volgde. Vanalles ging door de kop. Wat kump d’r allemaol op ós aaf? Wie gaon de veurbereidinge? En veural, wae gaon weej allemaol veurdrage as ós getuge?

 Óngertösse hebbe weej same gezaete mèt de keuzekemissie en ‘nne houp is ós nów waal dudelik gewaore. Weej hebbe d’r óntzettend vuuel zin in!

 Örges veult de vastelaovend nag wiet weg, maar vur se ‘t wets sjtaon weej dao op de bühne in de Hamar. Ech waor… Gekker mót ’t neet waere!

Jubileumreseptie en fieësaovend

26-09-2019

Wat hebbe weej gedreid tiedes de vastelaovend. Wat ein sjoeën fieës waas det wir!

Ózze thema-aovend i.s.m. de Hermenie waas ouch ein groeët sjpektakel. Wat wilse ouch mèt zoeëvuuel hoeëghede oet dees jubilerende vereiniging.

De groeëtste fieësaovend sjteit veur de deur! Zaoterdig 23 november is ’t zoeë wiet. De Fieësband KhickDJ get a job en Otto Wunderbar gaon d’r vur zörge, det gans Belvend nag eine kieër doordreit tiedes ’t jubileumjaor van de Belhamels. Vuraafgaond aan de fieësaovend is d’r vanaaf 19.00 oor ós jubileumreseptie. Kump se ouch?

Reseptie van 19.00 wies 20.00 oor

Fieësaovend van 20.00 wies 01.30 oor

Entree vreejScreenshot 5