Carnavalsvereiniging

De Belhamels

 

Aan alle optochdeilnimmers,

 

6 X 11 jeurig jubileum, det viere weej in 2019 onger ’t motto: Gans Belvend Dreit Door
Gaer nuuedige weej uch oet öm dit jaor wir aan de Belvendse optoch op zondig 3 Maart mei te doon.

Met dit sjrieve sjtuure weej ‘n insjriefformulier mei en notere alves get belangrieke datums.

Enquete
ls beejlage beej dit sjrieve dit jaor ‘n extra toevoeging. Neet allein ‘t insjriefformulier, maar ouch ‘n enquete. Heejmei wille weej gaer van uch hure wat geej van de Belvendse optocht vingk, dink aan tips / tricks of eventuele verbaeter punte. Weej zulle dees den as Optoch Kemmissie allemaol gaon doorneme, en ós veurdeil oet haole. Laote weej same zörge det weej gruuets blieve op de Belvense Optoch.

Regelement
‘t Regelement is te vinge op ós verniejde website.

Geluids Niveau
Beej vastelaovend huuert muziek en taegewoordig haet iddere deilnimmer waal zien eige geluudsinstallatie beej zich. Allemaol hartstikke sjiek netuurlijk, maar laote weej ein dink neet oet ‘t oug verlere, respect veur mekaar, Daoröm wille weej uch vrintelik vraoge, öm raekening mèt mekaar en mèt ‘t publiek te haje. Dus let astebleef efkes op ‘t geluidsvolume. De Optocht.cie zal heej pro-actief op controlere.

De route zal ongewiezigd blieve ten opzichte van veurig jaor.
Weej gaon as volg door Belvend trekke: Sjoelstraot/d’n Baog,keuninginneplein, wilhelminastraot, prins frederikstraot, prins hendrikstraot, prins bernhardlaan, sjoelstraot, industriestraot, julianastraot, de Hamar (sjtaevesplein)heej is aansjloetend de priësoetreiking.

Angersum opsjtelle
Ouch dit jaor zulle weej wir krangsum opsjtelle, ‘t veurdeil heejvan is det alle deilnimmers de optoch kènne zeen.
Dit beteikend det ‘t letste nummer beej Urbanus/de baog opsjteld en nummer ein örges beej de aje Bolveld sjoeël.(aafhankelik aantal deilnimmers)Ouch dit jaor sjildere weej wir nummers op de waeg zoeëdet geej mekkelik kènt zeen wao te gaon sjtaon, belangriek is ‘t öm good aan de kank (Spoor/Maas/weste) op te sjtelle zoeëdet angere deilnimmers good kènne passere.Opsjtelle tösse 13.00 en 13.30 oor vertrek nummer 1 öm 13.45 oor zörg det geej op tied aanwezig ziet öm dit good te laote verloupe

Opgaeve vur d’n optoch ken toet uuterlik zondig 17 fibberwari beej ‘n kemmissielid of via de mail: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

‘t Bezeuk aan de deilnimmers same mèt prins……??? wille weej net as veurgaonde jaore doon op de donderdigaovend, ivm met ‘t drökke programma zien d’r gen angere meugelikheje
Dit jaor is det op donderdig 21 fibberwari, as geej dit op pries sjtelt zet den zeker ‘n tillefoonnummer op ‘t insjriefformulier zoeëdet weej ‘n aafsjproak kènne make.

Deilnimmers die vur vergoedinge in aanmerking kómme kènne toet uuterlik zondig 17 maart raekeninge indene beej ein van de kemmissieleje. Allein orginele raekeninge dus gen kassabönkes kómme in aanmerking vur oëtbetalinge.

Omroep Venlo.

De letste jaore kump ömroop Venlo ózze optoch filme en zende heej ‘n samevatting van oet, öm beej dees oetzending zoeë good meugelik commentaar te gaeve hebbe weej gaer zoeëvuuel meugelik informasie van uch deilnimmers, oetleg mótto, oetbeelding of angere leuke weitenswaardigheje….. zoeëdet de versjlaaggaever vuuel kèn vertelle en de oetzending ten goje kump, sjrief dees informatie svp op de achterkank van ‘t insjriefformulier of nog leever mail dees info door. Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

Haopelik zeen weej ós alle truuk in de groeëte optoch door ‘t Belhamelriek.

Vur ‘t opgaeve, deklarere, en informasie, Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

Sjoerd Crommentuijn, Bolenbergweg 69
John van Wijlick, Veldekestraat 42
Eugene Wijnands, Julianastraat 29
Mark Steegh, Leijgraaf 22
Tim Steegh, Tuindersweg 4

Download heej uch:

Insjriefformulier optoch 2019

Agemeen Optoch Regelement Groet Venlo 2019

Deilnimmers Breef 2019

Enquete formulier optoch 2019