Carnavalsvereiniging

De Belhamels

Beeldend kunstenaer Fons Schobbers oet Venlo haet vur de kommende carnaval ‘d’n Opstaeker™ 2019’ óntworpe. Veurzitter Roel Versleijen van Jocus vroog Schobbers dit jaor oet naam van alle vief de sjtadsdeilvereiniginge de Opstaeker 2019 te óntwerpe. Zien óntwerp is ein ode aan de componisten en tekstdichters.

“De meziek is de drager van de vastelaovend, ’t verbink ós. ’t Is heerlik öm in de veurjaorszón veur ein kefee met bekende en onbekende same dees liedjes te zinge. Ich vóng ’t ieërvol, öm dit jaor de Opstaeker te meuge óntwerpe.

Carnaval is ein fantastisch fieës det zich met name door ós vastelaovesliedjes ongersjeidt van alle angere fieëste. ‘Jónk en aad zink allemaol same’ en de liedjes waere van generatie op generatie doorgegaeve, geweldig moeëj.” Aldus Schobbers, dae zelf lid waas van de ‘oëit haos prinseclub’ en waal 35 kieër met de optoch haet meigeloupe, dök as ‘faatse’ of met ein klein gruupke

‘D’n Opstaekerᵀᵐ’ is ein soort broche die sjteit vur een dreejtal zake; eine bliek van waardering vur de vuuele vreejwilligers die allerlei carnavalsactiviteite organisere in de sjtadsdeile Venlo, Bliërick, Tegele, Belvend en Árce en Velden; ein bliek van betrokkeheid beej de vastelaovend en eine finansjele opstaeker vur alle carnavalsvereniginge in deze regio. De vief sjtadsdeilvereiniginge van de gemeente Venlo haope det de inwoeëners, net as verleje jaor, wir massaal deeze vastelaovesbroche zólle koupe öm zoeë de versjillende vastelaovesactiviteite van de diverse vereiniginge te óngersjteune.

D’n Opstaeker™ 2019 zal op d’n Ellefde van d’n Ellefde waere geprizzenteerd. Vanaaf dae datum is hae ouch te koup beej Marskramer, Topslijter Salut, Bloembinderij Karel Smits, Café-Zaal ‘Juliana’, Beej Suus en tiedes de versjillende carnavalsaktiviteite.