Carnavalsvereiniging

De Belhamels

Niets

Vastelaovend 2022

25-10-2021

aankondiging Vastelaovend

D’n Opstaekerᵀᵐ 2022

19-10-2021

ein ontwerp van Sabrina van Wijlick

We hebbe d’r nog langer op môtte wachte as we gewind zien, maar ’t liek d’r op det Vastelaovend 2022 weer geit liéke op de Vastelaovend wie we dae gewind ware. Beeldend kunstenaer Sabrina van Wijlick oét Belvend haet in idder geval veur de kômmende vastelaovend ‘D’n Opstaekerᵀᵐ 2022’ ôntworpe en det vindt het ein hiele groëte iër. ‘Ik vônd ‘t hiel erg kwant wie Ron van Zoest, veurzitter van de Belhamels, mich vroog of ik ‘d’n Opstaeker 2022 woel ôntwerpe en dao bin ik hiël gruuëts op’.

Sabrina van Wijlick makde dees broche oét naam van alle viéf de stadsdeilvereiniginge van de gemeinte Venlo. ’Hiel vuuel minse in ôs regio hebbe hert veur Vastelaovend, det veulse. Zeker noow ‘t fees in 2021 anders waas as veurgaonde jaore’.  

“Det ‘halde van’ heb ik probere oét te drökke in deze niejen ‘Opstaeker’. ’t Is ein aope hert mit dao umhaer ein zaag, symbool veur de (wage)bouwers, ein piensel veur de grimeurs, de ‘träőt’ en de sol-sleutel veur de muzikante en natuurlik de vlag die mit de dolle daag oét meug’. ‘t Aope hert luuet de kleur van ‘t ‘pekske’ van d’n drager zeen. Dit ôntwerp, van in totaal dreej schetse, is oétintelik door de Vorste van de viéf stadsdeilvereiniginge gekaoze.

Sabrina van Wijlick viërt al zien ganse laeve vastelaovend. Ik vier det veural mit ôs vrinde. Idder jaar bouwe we auk eine wage en trekke we mei mit de Belvendse Optoch. ‘Ozze naam? ’t Jeuk wir’. Maar auk boéte ‘t seizoen is het creatief bezig. ‘Ik bin Chef Decor beej de musical van ‘t Valuascollege in Venlo.

 ‘D’n Opstaekerᵀᵐ’ is ein saort broche die steit veur ein dreejtal zake; eine bliék van waardering veur de talloze vreejwilligers die allerlei vastelaovesactiviteite organisere in de stadsdeile Venlo, Bliërick, Tegele, Belvend en Aarce en Velden; eine bliék van betrokkeheid mit de vastelaovend en eine financiële opstaeker veur alle Vastelaovesvereiniginge oét dees regio. De viéf stadsdeilvereiniginge van de gemeinte Venlo haope det de inwoëners, sjuus noow massaal de vastelaovesbroche zulle kaupe um zoë de verschillende vereiniginge te ôndersteune.

Sabrina van Wijlick (1978) is getrouwd mit Roy en haet ein döchterke van dreej. In eure dagelikse doon werk het as docent Kunst en Cultuur op ‘t Valuascollege in Venlo. Daonaevebeej is het thoés veural bezig mit keramiek, ein passie die het mit de paplaepel kreeg ingegaote. Zien vader, Herman Crins, waas namelik pottebekker en is nao zien carriere achter de pottebekkersschiéf keramiekcursusse gaon gaeve, iets waat zien dochter ôndertösse haet euvergenaome. ‘Daobeej werke mien vader en ik vuuel same aan opdrachte die we kriége, maar ik maak auk veel werk zelf, waat ik natuurlik auk probeer te verkaupe’. Miër informatie euver Sabrina van Wijlick is te vinde op de Facebook Site Keramiek de Pöngelhook.

D’n Opstaekerᵀᵐ 2022 zal op d’n Elfde van d’n Elfde waere geprissenteerd. Vanaaf dan is deeze auk te kaup via de verschillende websites van de vastelaovesvereiniginge, ein groët aantal winkels en ônderwiel vastelaovesactiviteite.

 

2022 Opstaeker foto persberich

Belhamels RABO clubsupport

03-10-2021

Leef Minse,


Uch sjtum kènt geej oetbringe, vanaaf 4 oktoeber, via óngersjtaonde link:

https://www.rabo-clubsupport.nl/venlo-eo/deelnemers/details/208868-cv-de-belhamels

 

Belhamels RABO clubsupport

Vorstewissel

05-07-2021

Leef vastelaovesvriende

‘t Is nów begin juli, ‘t einde is inzich. Bienao idderein dae det wil haet inmiddels tenminste eine prik in de baoveérm gehad. De ieërste versoepelinge zien wir meugelik. Gèn mónkképkes mieër, wir mèt get mieër luuj beej elkaar, lekker örges ein hépke aete. Dinge die zoeë normaal ware, desse nów toch wir bliej bös det ‘t allemaol wir op géng kump. Misjien neet ech ‘t moment óm aan de vastelaovend te dinke. Toch hebbe weej ein belangrieke meidedeiling te doon.

Binne de Belhamelfemilie sjpeult de Vors eine zieër belangrieke rol. Hae is verantwoordelik vur ‘t ganse reile en zeile binne de raod en zörg d’r same mèt zien raodsleje veur det ‘t de hoeëgheid aan niks ontbrik. Ein rol die ózze huidige vors, John van Wylick mèt verve vervult. Nao 4 hoeëghede begeleid te hebbe, haet John beej ós aangegaeve det ‘t kómmende seizoen zien letste seizoen as vors van de Belhamels wuuert maar det hae d’r same mèt alle Belhamels nag ein geweldig vastelaovesseizoen van geit make, vurdet hae de vaere euvergeuf aan zien opvolger.

De aafgeloupe maonde zien weej mèt dit gegaeve aan de sjlaag gegaon en weej zien trots uch te kènne meideile dét weej eine waerdige opvolger as vors van de Belhamels hebbe gevónge in de persoeën van Geert Kurstjens. Geert is uiteraard gènne onbekende van de Belhamels. In 2013 is hae ózze veurgenger gewaes as hoeëgheid Prins Geert VI. Geert veult zich same mèt zien vruike Vivian zieër verieërt öm dees rol te vervulle. Names ‘t besjteur wins ich Geert kómmend jaor nag eine röstige vastelaovend toe, want nao dit jaor meug heej pas ech gaon knalle mèt vastelaovend.

As ‘t moment dao is, zólle weej uch verder informere euver de wies wie de euverdrach geit plaatsvinge.

Ron van Zoest, veurzitter c.v. De Belhamels.

geert

Belhamels huldige jubilarisse!

03-06-2021

Ónger ein sjtraolend zunke haet c.v. De Belhamels aafgeloupe zóndig eur jubilarisse van aafgeloupe jaor gehuldigd. Ein gebeurtenis die normaal gesjpraoke plaatsvingk tiedes de jaorlikse algemeine leje vergadering. Aevel door corona is dit vurig jaor neet kènne plaatsvinge (althans neet fysiek).

’t Waas dus wachte op ein moment wannier dit waal wir meugelik waas. Aangezeen de ieërs volgende leje vergadering pas wir in oktoeber plaatsvingk (haopelik fysiek oeteraard) hebbe weej besjlaote öm ’t efkes angers den angers te doon mede ouch ömdet ‘n aantal leje  al 2 jaor geleje jubilerend ware.

Alle jubilarisse  ontvónge oet heng van veurzitter Ron van Zoest en ónger toezeend oug van vors John v Wijlick en hoesmeister Patty Geijbels eur  welverdeend sjpeldje mèt ein blumpke of ein drenkske. Zoeëas gewuuelik óntbrook  daobeej ’t wäördje van dank neet ( en ouch neet aan Sjroebelér en angere versjnapeeringe). Op de foto’s óntbrik Lisanne Hendriks ivm vakantie, maar zeej zal op ein later moment alsnóg waere gehuldigd.

 Euverzich jubilarisse:

Lon Engelen en Gé Geurts, 1x11 jaor
Nancy op ’t Veld, 2x11 jaar
Kristel Dreesen en Niek Colbers, 1x 11 jaor
Marjo en Leon Houwen, 1x 11 jaor
Rezie en Maurice Gerards, 1x 11 jaor
Jacqueline en Danny Didden, 1x 11 jaor
Leo Schatorjé, 2x 11 jaor
Crit Janssen, 2x 11 jaor

Names c.v De Belhamels alle jubilarisse van herte gefilliciterd!!!

BE48BBFD AC49 4166 9230 A74E20676369